Munaasibadan qalin jabinta ahayd oo shahaadooyin lagu gudoonsiiyey arday ka qalin jabisay Dugsiga tayada iyo kor u qaadida waxbarashada News Forum Private ee Magaalada Buuhoodle ayaa ka dhacday xarunta Dugsigaasi, iyadoona ay kasoo qayb galeen Waxgarad, Aqoonyahano, Culumo Awdiin, Macalimiinta wax ka dhigta dugsigaasi, Dhalinyaro, iyo Ardayda waxbarata dugsigaasi.
Munaasibadan oo ahayd mid balaadhan ayaa waxaa hadalo kala duwan kasoo jeediyey dhamaanba madaxdii kasoo qayb galay kuwaas oo dhamaantood ku qoto dheeraaday muhiimada ay leedahay waxbarashadu.
Sidoo kale waxaa iyana halkaasi erayo dar daaran ah kasoo jeediyeen macalimiinta wax ka dhigta dugsigaasi, iyagoona kula dar daarmay ardaydan qalin jabisay maanta in ay halkaas kasii wadaan dadaalkooda waxbarasho isla mar ahaan taana ay ka midha dhalin yaan waxay soo barteen.
Hadaba ugu dambayntii ayaa waxaa halkaasi shahaadooyin lagu gudoonsiiyey dhamaanba ardaydii qalin jabisay kuwaas oo iyagu muddo dheer wax kusoo baranayey dugsiga News Forum Private ee Magaalada Buuhoodle.
Halkan Ka Daawo Sawiro
Si kastaba ha ahaatee ardaydani maanta ka qalin jabisay dugsigani ayaa qayb ka noqonaysa dufcado kala duwan oo dugsigan ka qalin jabiyey tan iyo markii la aasaasay.
Wariye Abdirahman Wadani
Email axmedyare1001@hotmail.com
Nimbuzz:- wadani4166
Xafiiska Wararka Ee Shabakadda Allwadani.webnode.com
Buuhoodle Soomaaliya